السلام عليكم
احنا ممكن نتخيل مع بعض الحوار الاتي اللي احيانا بيدور بين بعض الناس
الاول: انا زمان كنت باحب اوى فيلم ألادين
التاني: ايه فيلم الادين ده؟
الاول: الادين، الادين ياعم مش عارفه
التاني: لا مش واخد بالي
الاول: الادين بتاع ديزني، الادين وجاسمين وكده
علاء الدين يعني
كفاية كده ونبتدي نعلق على الحوار الخنيق ده
هو ايه فيه ايه؟
هو الغزو الفكري وصل للدرجة دي؟
خلاص بقينا مجانين انجليزي للدرجة دي؟
الواد يا عيني مكسوف يقول علاء الدين وياسمين
هو عايز يتمنظر على اللي حواليه وينطق الاسم الانجليزي مضبوط
طيب ياعم الشاب الأعجمي دول ناس مش عارفين ينطقوا حرف العين ولا حرف الهمزة في
الوضع ده
يعني ده عجز عندهم
وصل بينا بقى الانحطاط اننا نتبعهم حتى فى العجز والغلط
ما تقول علاء الدين وتفخر انك عربي وبتعرف تنطق الاسم الأصلي بكل طلاقة
وخد عندك بقى الادين وجاسمين وسلادين وسينباد
يعني علاء الدين، وياسمين، وصلاح الدين، وسندباد
واللي يستفزني أكتر وأكتر المدرسين والمدرسات بتوع اللغة الانجليزية
ييجى مدرس مثلا يقول الاتي
Mohamed went to Ahmed and Ali
ينطقه كده
" موهاميد ونت تو أهمد أند ألي "
طب يا عم المستر، ليه ماتقولش
" محمد وأحمد وعلي "
خلاص يعني الانجليزي في دمك لدرجة انك مش عارف تنطق الاسم العربي صح؟
ولا بتتمنظر برضه؟
دي كانت شوية ملاحظات متراكمة من زمان
أخير لاقيت الفرصة عشان اعبر عن التراكمات دي
والسلام عليكم
2 comments:
السلام عليكم
قال رسول الله صلى الله عليه و سلم
لتتبعن سنن الذين من قبلكم شبرا بشبر أو ذراعا بذراع حتى لو سلكوا جحر ضب لسلكتموه قالوا : اليهود و النصارى ? قال : فمن ؟
صدق رسول الله صلى الله عليه وسلم
تخريج السيوطي
(حم ق هـ) عن أبي سعيد (ك) عن أبي هريرة.
تحقيق الألباني
(صحيح) انظر حديث رقم: 5063 في صحيح الجامع.
في المثل الذي ذكره سيد المرسلين على إتباعنا لمن قبلنا ذكر مثال لشيء لا يفعله عاقل و هذا لأن جحر الضب جحر متعرج في الأرض لا تدخله الشمس فهو مليء بالبكتريا و العفن وهو كريهة الرائحة
و لم يقل إن صعدوا إلى القمر فستصعدون ورائهم
و للأسف هذا ما نراه اليوم تقليد أعمى بدون تفكير في أحقر الأفعال
رب إهد قومي
LOL
Nice Post :)
Post a Comment