Thursday, October 30, 2008

متحرش مجرم .. لكنه ضحية


الكلام ده تابع للتدوينة السابقة

بم تفسر .. التحرش





طيب ماشي
حلو اوي
جميل جدا

اتحكم على "المجرم" بـ3 سنوات مع الشغل وغرامة مؤقتة 5000 جنيه وجنيه، بتهمة التحرش الجنسي بفتاة
القصة من الأول هنا
بصرف النظر عن مدى استحقاقه لعقوبة بالحجم ده من عدمه
شريف جمعة جبريل بقى عبرة لكل شاب ممكن يفكر إنه يتحرش بواحدة جنسيا
شريف جمعة جبريل انتهى أمله في إنه يتزوج ويحصن نفسه، لأنه ببساطة هيخرج من السجن إن شاء الله وهو 30 سنة، ويبتدي بقى يكوّن نفسه من الصفر، مع الاعتبار إنه في نظر المجتمع بقى إنسان غير محترم
ونهى رشدي بقت مثال للبنت اللي مش بتسيب حقها
كل ده كلام زي الفل

ولكن

سؤال باطرحه وأنا في غاية الاستياء والقرف
هل عاقبتم باقي "المجرمين" اللي دفعوا "المجرم" ده انه يعمل عملته دي؟؟؟
مزيد من التفاصيل في تدوينتي السابقة
شريف جمعة في نظري قبل ما يكون مجرم فهو ضحية
ضحية مجتمع قذر أحاط به، وضيق عليه الخناق، ثم أشار إليه بأصابع الاتهام، فقضى على مستقبله تماما

الخلاصة

1- نهى رشدي أحييها على شجاعتها وعلى عدم السكوت عن حقها

2- أنكر عليها عدم التزامها بالحجاب "الشرعي"، لأني ببساطة لا أعتقد أبدا إن ممكن واحد يقدم على فعل زي ده إلا إذا كان رأى منها شيئا يدفعه إلى ذلك
لا يمكن أصدق إنه مد إيده على حاجة ماكانتش ظاهرة أصلا من الأول، ومش هافصل أكتر من كده في الكلام

3- سؤال: هل عاقبتم باقي "المجرمين" اللي دفعوا "المجرم" ده انه يعمل عملته دي؟؟؟

7 comments:

mennatallah said...
This comment has been removed by the author.
mennatallah said...

السلام عليكم ورحمة الله بصراحة اناكنت و ومازلت مقتنعة ان الحجاب هو رمز لعفة وحياء البنت وانة بيصونها طبعا ولكن اسمحيلى بصرف النظر عن قضية نهى رشدى نفسها فحاليا مش لازم يبقى فى شئ يدفع المجرم ان يقدم على ذلك بدليل انة والله والله فى بنات بيكون محجبات (والحجاب الشرعى مش النص كم )و تتعرض للتحرش حتى فى وسائل الموصلات
ودى كارثة تانية وللاسف اى ابنت غير محجبة لو جيت كلمتها ان الحجاب يحمى البنت ويحفظها من المعاكسة والتحرش تقولك مهو المحجبات بيتعكسوا
مع ان دة ادعى انها تتحجب لما النت الى المفروض ان شكلها لا يدعوا لاى شئ من الاثارة وبيحصلها كدة ؟ اومال الغير محجبة
حاجة اخيرة انا بردة مش شايفة ان المجرم ضحية طيب مهى البنت بردة ملها يعنى ؟؟ يعنى اية ذنبها ؟ هى دايرة مفرغة ولكن بردة انا شايفة انة خد العقاب الى يستحقوا لانها اكيد مش اول مرة لا ربنا لا يفضح احد الا اذا كان تجراء على الله (بالاصرار)على المعصية
لان التعدى على حرمة الغير خصوصا لو كان الجسد ملوش مبرر منطقى او غير منطقى
اسفة بردة على الاطالة
جزاااك لله خيرا

Osama Sherif said...

@ mennatallah

وعليكم السلام ورحمة الله وبركاته، وجزاكِ الله خيرا مرة أخرى على تعليقاتك المفيدة

مش عارف بصراحة، قد تكوني انتي أدرى منى في النقطة دي
لكن بصراحة كتير من البنات فاكرين إنهن ملتزمات بالحجاب الشرعي، إلا إنهن للأسف مش عارفين شروط الحجاب مضبوط ولا بيطبقوها
ولو فيه بنت ملتزمة بالحجاب الشرعي الصحيح وتعرضت لمضايقات، فدي بتبقى حالة شاذة نادر جدا حدوثها وما نقدرش نبني عليها قاعدة
وعلى العموم انتي أدرى مني أكيد

بالنسبة لواحدة زي نهى رشدي هي كانت أحد الأسباب اللي دفعت شريف إنه يعمل اللي عمله ده، بعدم التزامها بالحجاب الشرعي، هو ده ذنبها

بصفة عامة أنا لا أنكر إن شريف يعتبر مجرم يستحق العقاب، مش باقول أبدا أبدا إنه بريء
لكن شريف بالنسبة لي زي اللي بيتعاطى مخدرات، المفروض زي ما بنعاقبه نعاقب تجار المخدرات اللي أغروه إنه يتعاطاها

جزاكِ الله خيرا وفي انتظار المزيد من التعليقات

Anonymous said...

سبتوا كل اللى حصل وبتبحثوا فى الحجاب هو مفيش تحرش بالمحجبات؟؟؟؟ حرام عليكم

Osama Sherif said...

:D
سبنا كل اللي حصل؟؟؟
بقى كل الكلام اللي انا كاتبه في التدوينة دي واللي قبلها والتحليلات والمناقشات، وتقول لي سبنا كل اللي حصل؟
ده انت اللي مش بتقرا الكلام بقى
وبعدين غريبة شوية موضوع "حرام عليكم" ده، أقدر أعتبر دي فتوى منك يعني ولا ايه؟
على العموم شكرا لاتصالكم

Nadin said...

SA.
ana 3agbtnee fekret ennak bets2al el mogtma3 ...ennu howa elly waslna lkeda


bas feeh shee2 7aseeto mesh men el waqe3 abadan


3shan heyya mesh mo7gaba garalhaa keda? BIG LOL


7adretaak setaat MONTAQEBAAT


ya3nee mafeesh 7aga baynaa menhom


ya3nee qemmet el 3effa


beyt3kso bel lams !!!!!!!!!


w menhom araybee 3shan mayet2lsh enny bahzeee


enzl fel share3


howa ento mesh f masr walla eh ??


ay bent men ay shakl aw lebs aw ay 7aga


ENZL W ETFRG 3l REGALA (so called)


bey3mlo eh


w erg3 ekteb elly shofto ...


bas bellah 3leeek ...mat2olsh 7aga enta mesh mot2aked menhaa


enta ma3shtesh 3omrak ka bent


w shoft el nas betet3amel ma3aha ezzay


walla ya3nee eh terkab mowaslaat


...etc

Osama Sherif said...

* Nadin

وعليكم السلام
قبل أي حاجة أهلا بيكي في مدونتي

نخش في الموضوع بقى
لازم طبعا أعترف إني ما جربتش أعيش كبنت
وأكيد البنات أدرى مني بقرف المعاكسات والتحرش اللي بقى شيء لا يطاق
وفعلا فعلا ربنا يكون في عونكن

لكن أنا عايز أقول حاجتين

أولا
اشمعنى التحرش "الجماعي" ده موجود عندنا في مصر، ومرة حصل في الكويت على ما أذكر في أحد المولات؟
ليه مش موجود في السعودية مثلا؟ أو ليه مش موجود في أي دولة من الدول المحافظة اللي النقاب منتشر فيها؟
أعتقد إجابة السؤال ده هتكون مفيدة
لو قلتي لي طب ماهو فيه بلاد تانية بعيدة تماما عن الدين ومافيهاش التحرشات دي زي بلاد الغرب مثلا
أقول لك أيوة مافيهاش تحرشات، لكن الزنا هناك (إلى حد ما) مباح، فهم مش محتاجين للتحرش لأنهم عدوا المرحلة دي خلاص

ثانيا
أنا مازلت مقتنع إن حالات التحرش بالمنتقبات والملتزمات بالحجاب الشرعي دي حالات نادرة جدا وشاذة جدا جدا
لو أنا مش متأكد من كلامي يبقى نستنى لما حد يعمل إحصائية ويشوف عدد المنتقبات اللي بيتعرضوا للتحرش، وعدد غير المحجبات اللي بيتعرضوا للتحرش
أعتقد "منطقيا" الفرق بينهم هيبقى كبير أوي

الفكرة في إيه بقى
لما أبقى أنا ماشي في حارة فيها مجاعة والناس ميتة من الجوع
هل أمشي وفي إيدي ساندويتش وعمال آكل قدامهم؟ ولما ييجوا يتلموا عليّ أقعد أقول: إييييه المفاجيع دول؟؟؟
ولا أعمل حسابي وأخبي الساندويتش اللي معايا؟
هي دي نفس القضية بالضبط

فأنا باوجه نداء لكل اللي بياكلوا شاندويتشات في حارة الجعانين
!!! ارحموووا المفاجيع

جزاكِ الله خيرا
وفي انتظار المزيد من التعليقات